Followers

Saturday 10 September 2011

Design Futuristik Palan Riset Tsunami

Palan Pemansik Marine Tsunami (Tsunami Marine Research Centre) datai enggau desain ti chukup futuristik, laban design tu datai ari bentuk alun tsunami nya empu. Dipejadika Maine-based +Solus4, siti desain konsep palan pemerati ari luar tasik ti disponsor ulih Arquitectum begulai enggai Universitas Pelita Harapan ba Indonesia.


Semua kitai nemu ba taun 2004 suba, menua Indonesia kena biau Tsunami (Gelombang Besai) datai ari Lautan Hindi ti balat ngerusak reta tengkira enggau maioh urang bebadi maia nya. Palan Riset Tsunami tu digaga kena nyeliahka pekara ke sama nyadi baru. Nitihka +Solus4 bangunan tu digaga baka ke bisi "gelumbang tauka berumbak" lalu nyedia palan pemansik enggau pemerati. Pemesai bangunan tu ianya 2.500 meter persegi bekaler burak sereta entap digaga sepenyauh 150 meter ari garis tasik ari pantai Kuta ba Bali. Penjam/Jendela ti besai meri pemandangan ba kandang tasiknya, lalu ba baruh ia kitai ulih meda pemandangan ba baruh ai. Kitai mega ulih meda utai idup ba ai tasik. Palan riset tu bisi nyediaka makmal pemansik, alai diau, kolam mandi ai tasik, perpustakaan enggau auditorium.
Desain palan pemansik tu diambi ari bentuk gelumbang  tsunami ti berproliferasi nyemerai ai enggau inspirasi ari bentuk rampa menua, palan riset tu mega jimat tenaga sereta ulih ngasil ai beresi. Siti generator pasang surut dikena begulai enggau photovoltaics dikena ngasilka elekrik, lalu siti panel suria (Sistem Solar) dikena ngurang penggunaan tenaga. Ai ujan ditambun lalu ditukarka nyadi ai beresi ngena sistem konversi dikena ba palan riset nya. Lalu ai tasik dikena meri penyelap bangunan nya. (via: + Solus4)








0 Komen Temuai:

Post a Comment

Related Posts Plugin for WordPress, Blogger...