Siko urang laki Amerika duduk ngirup ba Restoran sereta ngunyah chewing-gum. Datai siko urang laki Perancis duduk sepiak meja laki Amerika tadi. Laki Amerika tu chukup temegah ati, laban iya rayat Amerika. Iya lalu mai sereta muka randau enggau laki perancis tu.
"Enti kitak makai roti, kitak makai semua ia sekali ka?"
"Mais Oui! Makai semua sekali!" Saut laki Perancis nya.
"Well, enti kami, kami semina makai begian ke lembut aja, lalu begian ke kering nya dikumpul, udahnya dianjung ngagai kilang digaga (diproses) baru. Ia lalu nyadi roti-roti ti mit, ia ti bisi dijual ba France" Ko laki Amerika ti sombong nya tadi.
"Bakani enggau steak deh? Kesemua daging nya diempa kitak ambis mega ka?" Tanya laki Amerika nya baru.
"Bien Sur! We do!" Saut laki Perancis nya
Laki Amerika tu tuchum sereta ngiling ke pala lalu bejaku
"Kami semina makai begian daging ti lembut aja, lalu begian ti beurat enggau tusah dikunyah, dikumpul lalu dianjung ngagai kilang baru sereta diproses baru. Asil ia nyadi steak mit-mit ti bisi dijual ba France"
Jaku laki Amerika tu nyau ngaga laki Perancis tu rimas tauka enda nyamai ati. Iya lalu nanya laki Amerika nya.
"Nama utai digaga urang Amerika ngagai Kondom ti udah dikena sida deh?"
"Hey, udah dikena sigi dibuai aja meh" Saut laki Amerika nya.
"Ha!" Diatu laki Perancis tu temegah ati. Laban udah bulih poin
"Tang enggau kami enda dibuai. Kondom ti udah dikena nya dikumpul lalu dianjung ngagai kilang sereta diproses baru. Asil ia nyadi chewing-gum ti bisi dijual ba Amerika".
Laki Amerika tu tadi lalu tegepang ati.
@#$%^&
0 Komen Temuai:
Post a Comment