Uduk/Ukui Dalmatian

Dalmation sebansa uduk ti terbilang ketegal kaler kulit ia ti bekaler burak enggau bisi bintik-bintik chelum ba tubuh ia. Variasi kaler coklat mega kadang-kadang bisi kala ditemu, tang jarang. Nama Dalmatian tu asal datai ari begian Dalmatia ba menua Croatia.

Sejarah

Penatai asal uduk Dalmatian tu enda temu, tang bukti-bukti ari maioh artifak ti ditemu serete bisi gambar uduk ti ngembuan bintik-bintik ba tubuh ia, nunjukka Dalmatian tu udah bisi ditemu maia jeman Mesir kelia. Ari maioh bukti enggau gambar ti ditemu, Dalmatian tu uduk ti chukup terbilang ba serata dunya ketegal bintik-bintik chelumba tubuh ia.

Maioh mrga versi cerita Dalmatian tu uduk ti ulih nyaga, muka sereta nunjuk jalai ngagai kuda enggai urang ti nupi ia datai ba siti palan ti dituju enggau selamat. Nya kebuah Dalmatian tu balat dikerindu laban ia uduk ti regas enggau kering sereta liat ati.

Ciri-ciri  Dalmatian

Maia ada anak Dalmatian semina bekaler burak aja. Bintik-bintik ia ulih dipeda maia anak ia nyau berumur 10-14 ari. Bintik-bintik deka timbul datai anak ia berumur 3 bulan. Dalmatian bisi dua iti kaler ia nya bintik chelum enggau coklat ati. Dalmatian ti bebintik chelum ba begian idung enggau kukut kaki ia sigi bekaler chelum mega. Pia mega ti Dalmatian nya bebintik coklat ati ba begian idung enggau kukut ia sigi bekaler coklat. Bintik ti manah ia nya enda kelalu besai enggau enda mega kelalu mit, lebih kurang berdiameter +2-3cm. Bintik-bintik ti ngelekai serata tubuh nya ia ke paling manah. Lalu ba begian pala enggau iku ia, pemesai bintik nya mit agi ari ba tubuh. Kaler mata Dalmatian ti bebintik Chelum deka bekaler coklat tuai, nyadi ia ke bebintik coklat ati deka bekaler coklat muda. Makin chelum kaler mata ia makin manah. Pia mega bisi ditemu kaler mata biru, kuning enggau gadung(Ijau) ba Dalmatian baikanya ba dua-dua iti mata ia tauka sepiak aja.

Pendiau/ulah

• Taluk enggau seruran deka nyaga tuan ia (urang ti nupi ia)
• Seruran deka nitih kini-kini tuan ia bejalai
• Chukup ransing sereta semampai bejaga-jaga enggau utai ba kandang ia
• Rinduka anak mit enggau jelu bukai. Tang agi deka diperatika urang ti ketuai mega, laban kadang-kadang sida nemu ngeransi enggau enda sengaja.
• Dalmatian mega uduk ti pemereti ti chukup tinggi, jampat belajar sereta pintar. Tang kadang-kadang sida mega enda mending ka jaku tuan ia.