9 Bangunan Terunik ba dunya

 AQUA - U.S.A

Nama ti keterubah iya bangunan tu iya nya AQUA. Menua bangunan Aqua tu tau ditemu kitai ba bandar Chicago. Aqua tauka nama ti bukai iya nya LAKESHORE EAST BUILDING 2-P tu digaga laban ngam ngau tema nautika pembangunan Timur ba tebing tasik. Nama Aqua tu mega asal iya ari chura gelumbang ti baka anjung. Nama Aqua tu mega ngam laban sama enggau jendela ti bewarna biru-ijau ti digaga ba bangunan nya. Pia mega anang kita tegepang ati ninga laban bangunan tu mega ngembuan lumor emporis iya empu iya nya 190323. Bangunan Aqua ngembuan 736 unit endur diau tauka rumah nyengkaum 262 unit kondominium ba tingkat atas lalu ngembuan 474 unit sewadi ba tengah-tengah bangunan nya. Pejabat komersial ba tingkat satu enggau tingkat dua ngembuan saiz ti cukup besai iya nya 55 000 kaki persegi. Mayuh macham kemudahan ti bisi ba Aqua tu. Chunto iya, bisi hospital, endur bedagang, endur bemain, kolam ngau sauna, palan ngecas kerita karan, palan engkah kerita, bilik bacha, etb.

CHICAGO SPIRE - U.S.A

Chicago Spire tu bisi ba menua U.S.A aja, iya nya ba Chicago, Illinois. Penyampau peninggi Chicago Spire tu iya nya 2000 kaki tauka 610 meter. Chicago spire tu ngembuan 150 tingkat. Arkitek ke ngaga chura tauka reka bentuk bangunan tu iya nya Santiago Calatrava enggau Perkins seduai iya Will. Bangunan tu mula digaga 25 Jun 2010 tang sayau meh Chicago Spire, nyentuk ke sehari tu empai tembu digaga lalu enda digaga agi ketegal penanggul ti datai nuntung sida ti deka bejalai ka projek tu. 

 CHINA CENTRAL TELEVISION HEADQUARTERS 
( CCTV)

Tu meh bangunan CHINA CENTRAL TELEVISION HEADQUARTERS ti ulih ditemu kitai ba menua East Third Ring Road, Guanghua Road, Beijing, China. tu meh palan ti nyadi opis besai ba menua China. Pecah tanah udah dipejadi kena 1 Jun 2004 lalu tembu digaga kena 1 Januari
2008.  Orang ti nyanggup pengawa besai ngaga CCTV tu iya nya arkitek Rem Koolhaas enggau Ole Scheeren-OMA lalu orang ti ngerika chura CCTV tu iya nya Arup. CCTV tu ngembuan 234 m (768 kaki) pemesai, 75 iti tangga lif, bisi 44 tingkat pencakar langit ba Beijing Central Business District (CBD) tu.

 PENANG GLOBAL CITY CENTRE (PGCC)

PGCC disadang digaga ba Penang Turf Club di Pulau Pinang, Malaysia. Orang ti nyanggup pengawa ngaga PGCC tu iya nya Abad Naluri enggau Equine Capital Bhd, lalu iya ti ngaga chura bangunan PGCC tu iya nya Asymptote Architecture. PGCC tu udah disadang ngembuan 2 iti hotel lima bintang, opis, palan engkah moto (pengangkutan), kondominium, palan bala pemerindang ngaga konsert, etb. PGCC udah mula maya 12 September 2007 lalu dijangka tembu dalam 15 taun tu. 


p/s: sama-sama meh kitai nganti PGCC tu tembu ngambika bisi endur kitai merindang ati lalu nyadi buah mulut kitai maya nya ila.

GAZPROM HEADQUARTERS 


Gazprom Headquarters tu ulih ditemu kitai ba menua Russia. Bangunan raksasa tu ngembuan peninggi 300 meter (glass flame) lau ulih mantul ka warna lebih kurang 10 kali begantung ngau penuduk matahari maya nya. Gazprom tu siti palan ngaga gas asli ti paling besai di dunia sereta nyadi opis ti paling besai ba menua nya. Gazprom mula digaga ba taun1989 lebuh Kementerian Industri Gas Kesatuan Soviet berubah ngagai Opis (Syarikat). Kebuah bakanya laban ngambika semua aset tu teguh agi. Gazprom tu mansut ka asil gas asli enngau petroleum ti pemadu besai lalu ngembuan sistem kereban pengangkut ti paling besai ba dunya ngau 158.200 km penyampau penyauh pejalai gas nya. 

 BURJ DUBAI

BURJ DUBAI tu ulih ditemu kita ba menua Dubai, Emiriah Arab Bersatu. Burj mula digaga maya 21 September 2004 lalu tembu digaga lalu diperami ka rayat menua nya maya 4 Januari 2010. Ungkus ti dikena ngaga Burj Dubai tu iya Rm 1.5 billion. Burj tu antara bangunan paling tinggi dalam sejarah ti udah digaga mensia ngau ukur peninggi iya nya 828 m (2717 kaki). Orang ti ngaga Burj tu iya nya Syarikat Samsung C&T ari menua Korea Selatan ti mega udah kala enggau Malaysia ngaga Menara Berkembar Petronas. Orang ti ngaga chura tauka reka bentuk Burj tu iya nya Adrian Smith ari SOM. Burj ngembuan 206 endur mekanik, komunikasi dan penyiaran, uit korporat, Lobi Angkasa palan endur makai, kedai-kedai ti besai endur bebelika barang, palan engkah kereban pengangkut.

RUSSIA TOWER 

Rusia Tower endur iya ba menua Moscow, Russia. Russia Tower tu mula digaga 18 September 2007 lalu dijangka tembu dalam taun 2012. Orang ti ngaga chura tauka reka bentuk bangunan tu iya nya Foster and Partner. Tang Russia Tower tu alu empai tembu digaga nyentuk ke sehari tu. Mayuh penanggul ti datai ngagai raban ti ngaga bangunan tu. Projek tu diketuka dalam bulan November 2008, maya bulan Februari 2009 projek tu enda dipejalaika agi, lebuh bulan Jun 2009 projek tu badu digaga lalu semina ngetu separuh jalai aja.

REGATTA HOTEL

Menua Indonesia enda lama agi deka ngembuan siti palan ti manah endur kitai nemuai iya nya REGATTA HOTEL. Regatta Hotel tu ulih ditemu kitai ba Jakarta, Indonesia. Orang ti ngaga Regatta Hotel tu iya nya Syed Mobin Architect. Regatta Hotel dijangka deka tembu enda lama da agi. 

RESIDENCE ANTILLIA - INDIA

Residence Antillia tu ulih ditemu kitai ba Altamont Road, South Mumbai. Bangunan nya diberi nama Antillia ketegal cherita lama tauka mitos ti nyadi ba menua nya ti dipadah rayat ba menua Atlantic, Antillia. Antillia mula digaga ba taun 2007 lalu udah tembu digaga maya taun 2010 tu tadi. Antillia mega udah diperamika maya 28 Oktober 2010. Penyampau peninggi Antillia tu iya nya 173 meter (568 kaki). Mukesh Ambani orang ti ngempu Antillia tu. Orang ti ngaga chura tauka reka bentuk Antillia tu iya nya Perkins and Will. Antillia mega ngembuan palan endur mandi (swimming pool), endur bemain tauka yoga, kedai-kedai ti besai endur bebeli ka barang, palan engkah kereban pengangkut, etb.

Simpul penemu : 
1. Bisi 2 iti bangunan ti enda digaga agi iya nya :

* Russia Towel
* Chicago Spire

2. Bisi 5 iti bangunan udah tembu digag iya nya :

* Burj Dubai

* Aqua USA 

* Residence Antillia 

* China Central Television Headquarters (CCTV)
* Gazprom - Russia

3. Bisi 2 iti bangunan ti benung digaga lalu deka siap enda lama agi iya nya :

* Penang Global City Center (PGCC)

* Regatta Hotel