Pejam enchelak pejam enchelak kitai nyau deka datai ba aribulan 11 September. Bisi enda kitai agi ingat nama utai ti nyadi maia tu suba 11 September 2001, ianya 10 taun ti udah lalu. Kira bisi 9 ari da agi nyau deka datai maia nya. Maia nya, World Trade Centre(WTC), ba New York menua Amerika Syarikat. Kena serang 2 iti bilun, ti ngujung ka bangunan nya runtuh. Lalu kira-kira lebih 3000 iku urang bebadi maia nya suba. Lalu urang ka nyadi dalang ba peristiwa nya suba, ianya Osama Bin Laden, ti nyadi ketuai raban pengganas (Al-Qaeda) mai bala raban ia nyerang WTC enggau Pentagon tauka White House. Presiden Amerika maia nya, ianya unggal George W.Bush. Peristiwa nya suba balat amai pemansang ekonomi menua Amerika enggau dunya. Tu meh nyadi ke pun George w.Bush matak serang nyerang menua Afghanistan laban deka malas dendam sereta ngiga Osama, lalu ngalah ke perintah Taliban ti megai menua nya. Osama mega alah kena serang menua Amerika, ba siti operasi ti diberi nama "Operation Neptune Spear", ba operasi tu Osama bebadi, bangkai iya dikuburka urang ba tasik. Menua Amerika ukai semina nyerang Afganistan, tang sida mega matak serang ngagai menua Iraq, ti betuaika Presiden Saddam Hussien maia nya. Ngujungka perintah Saddam Hussien alah, iya lalu ulih tangkap sereta ditan ba Mahkamah dunya, dia iya bechara. Lalu ditemu salah ba, ngujungka iya diukum gantung dataika mati.
Gambar World Trade Centre (WTC), sebedau kena serang.
Maia kena serang
Maia Runtuh.
Nyadi diatu sama bela meh kitai besampi ke sida ti nadai maia penusah tu nyadi. Ngambika pekara tu enda nyadi ba menua kitai Malaysia, Kelebih agi Sarawak. Tajapan bisi urang deka ngaga penyarut, sama- meh kitai nyeliah pekara bakatu nyadi ba kitai. Naka tu dulu cerita ku sekali tu bai.
Maia kena serang
Maia Runtuh.
0 Komen Temuai:
Post a Comment