Followers

Monday 9 January 2012

Sapa Ti Nempa Nama "MALAYSIA"? (Begian 1)

Matapelajaran Sejarah ke diajar ba sekula-sekula ba menua kitai Malaysia. Nadai kala madahka kitai, ari asal penatai nama MALAYSIA ti dikena menua kitai diatu. Nya meh ngasuh kitai pabu penemu sapa ti keterubah nempa nama Malaysia tu. Enti dibandingka enggau asal usul menua jiran kitai, terang amai asal usul menua sida. Baka 'Singapura' ti ditempa ulih Sang Nila Utama, ti mai reti 'Kuta Singa' (Pura=kuta). 'Indonesia' ditempa ulih James Richardson Logan, ti mai reti Kepulauan India (Indo=India, Nesos=Pulau). Lalu 'Brunei' ditempa nitihka nama Raja Brunei Keterubah, ianya Sang Aji Berunei.

Jules Sẻbastien Cẻsar Dumont d’Urville (23 May 1790 – 8 May 1842)

Maklumat terbaru madahka nama Malaysia keterubah dikena siku pelayar bebansa Perancis ianya Jules Dumont d'Urville. Beduduk ari penjelajahan iya ba kepulauan pasifik kena taun 1826, iya nengkebang tiga iti istilah ianya 'Malaisia', 'Micronesia', enggau 'Melanesia' ti dikena iya ngelaika budaya pulau-pulau polynesia. Ba taun 1831, iya nganjung Ketiga-tiga iti istilah nya ngagai Sociẻtẻ de Gẻographie. Nama "Malaisia" ba penemu iya nyengkaum semua sitak Kepulauan Melayu (Nusantara) kediatu ti nyengkaum selatan Thailand, Malaysia, Republik Singapura, Brunei Darussalam, Republik Indonesia enggau Republik Filipina.



Kelimpah ari nya, George Earl, ahli entnologis bebansa Inggeris kala mantaika istilah Malayunesia ba taun 1850 kena nunjukka Kepulauan Indonesia ke diatu. Ti bakanya, Indonesia kada enda udah benama Republik Malayunesia. Ari segi psikology ia, nama dua iti menua nya deka sama, lalu ia mempengaruhi sereta menyakinkan rayat dua iti menua nya ari rumpun enggau budaya ti sama.

Nama Malaysia keterubah ia dikena sereta bisi dirikotka ba surat berita ba The British North Borneo Herald (BNBH) ti bertarikh 1 January 1889 ba ripot ti bertajuk "Geographical Notes in Malaysia and Asia" dikarang ulih J.E Tenison -Woods, ti ngenag pejalai ia ngagai semenanjung Tanah Melayu, Labuan, Brunei, Sandakan enggau Sulu. (Peda gambar ba baruh). Ba Chicago, Amerika Syarikat, Kar (Peta) ti dikeluarka ba taun 1941 nunjukka begian kepulauan Nusantara nya "Malaysia".



0 Komen Temuai:

Post a Comment

Related Posts Plugin for WordPress, Blogger...