Nyadi kitai kelia semina bisi rukuk apung, rukuk keretas, datai ba cigarette. Kediatu, dunya udah mansang kitai nyau bisi rukuk tauka insap elektronik. Rukuk elektronik tu baka rukuk biasa nya, digaga ari plastik, nadai ngeluarka abus, lalu bisi asap tiru. Rukuk tu ngena kuasa bateri, lalu tau dicaj sereta ulih dikena ba endur ti enda tau nginsap. Rukuk elektronik tu keterubah digaga ba menua China kena taun 2004. Set rukuk elektronik tu dijual ba pasaran AS enggau rega AS$59.93 (RM184.85). Pia mega, rukuk tu ulih di isi ke nikotin baka rukuk biasa. Nitihka pakar tembakau seluruh dunya, rukuk tu nadai mai penguntung ba pengerai lalu mai penanggul ba kempen Antimerokok ti balat dipejalai maia diatu. Rukuk tu mega ngembuan asai (perisa), baka rukuk Virginia Slims, Marboro, Benson Hedges, 555, Lemon enggau Vanila.
Sumber: http://berandaukitai.ning.com
0 Komen Temuai:
Post a Comment