4 Spesis Jelu Ti Jarang Ditemu Ba Dunya - Begian 1

Pemaioh jelu ka ditemu kitai ke maia ari tu, jelu ti nyamai digiga kitai. Tang bisi sekeda jelu ti diau belalai dalam tanah, gua, kampung jerung ngau ba tasik besai, taja enda manah gamal / kiut, jelu ka bakatu meh ia ka paling jarang dipeda ditemu kita ba dunya tu.

 1. Solenodon

 

Solenodon tu jelu mamalia ti mit asal ari menua Cuba. Jelu tu nyau ka baka jelu cit, bisi muncung panjai sereta iku betisik. Taja pia, muncung Solenodon tu fleksibel  ti dibandingka enggau cit.

Pia mega, jelu tu cukup beracun. Solenodon tu meh siku jelu mamalia ti nyengat jelu bukai ngau racun ia. Nya kabuah, nama kitai tepeda ka jelu tu kitai enda tau enda ngelari ka diri jauh ari ia, laban ia rindu ngigit kitai mensia.

2. Kakapo

Kakapo siku jelu burung Kakatua ti enda ulih terebai ba planet tu, tajapan spesis jelu burung tu ka bukai tau bejalai terebai ba langit mingkai. Tang spesis tu mina bejalai kaki tauka niki ngagai endur ti tinggi ari siti-siti endur. Jelu burung tu ulih nyapai kira-kira 8kg pemerat.

3. Olm

Olm, tu jelu amfibia asal ari menua Eropah, kelebih agi ba kandang menua Itali. Jelu tu ngembuan tubuh ti panjai bekaler burak, sereta bisi 4 iti kaki ti mit. Sekali meda baka urar / ular ti mit.

Jelu tu, tau ditemu kitai ba lubang gua baruh tanah. Bisi ngembuan engkeman leka mata, tang buta. taja pia, nya ulkai reti ia tu enda bedaya. Olm bisi ngembuan pengelansik ninga enggau nyium bau manah.

4. Bumblebee

Kesindap / Kusing ulih ditemu ba lubang gua batu kapur, ba kandang menua Tengara Thailand enggau Burma. Bumblebee semina ngembuan pemanjai tubuh seinci ari punjung pala ngagai iku. Kesindap / kusing tu mansang pemesai enggau chara ti nyelai ari kesindap / kusing bukai, laban ngembuan muncung idung  ti nyau ka baka muncing babi.